Home Community Sailia e Leoleo “i lona gaoiina o se manu papalagi mai Salelologa”

Sailia e Leoleo “i lona gaoiina o se manu papalagi mai Salelologa”

0
1254

Ua talosagaina e le Matagaluega o Leoleo, Falepuipui & Toefuataiga i le mamalu o le atunuu mo ni faamatalaga i se alii o lo’o tau sailia nei e leoleo e pei ona iai le ata ua tuuina atu mo le silafia.

O loo tau sailia e leoleo lenei alii e tusa ai i lona gaoiina o se manu papalagi mai Salelologa ma sola ese ai lava.

O lenei alii mai Toga, e faiava i Salelologa ma e leai sona aiga iinei Samoa. Ua faamaonia mai foi e le Transnational Crime Unit (TCU) o loo iai lava i totonu ole atunuu.

E toe faamanatu atu i le mamalu o le atunuu, o se soligatulafono pe a e fesoasoani e faalafi lenei tagata o loo sailia e Leoleo.

Fa’amolemole faafesootai mai le numera o le telefoni 22-222 ni faamatalaga e ono fesoasoani i le saisaia mai o lenei tagata.

E fautua atu foi i lenei alii o loo sailia ina ia sau i totonu pe lipoti ifo i se Ofisa o Leoleo lata ane.

Galulue fa’atasi mo se Samoa saogalemu.

LEAVE A REPLY

Please enter your comment!
Please enter your name here