E toatolu le mamalu o le pasese mai se faalavelave tau pasi na faaoo atu mo se fesoasoani i le falemai faaitumalo i Sataua i le aoauli o le Aso Gafua, 13 Mati 2023, e aofia ai ma se tinā ma’itaga.
Ina ua fesootai atu le SGN mo se lipoti ae tā’ua ai e se tamaita’i fomai, e toatolu lava nai mafine na faao’o atu i le falemai i Sataua mai lea faalavelave.
“O le tina ma’itaga o loo togafiti nei ina ia saogalemu si ana pepe, ae o loo manuia lava o ia, ma e leai se man’ua iloga i lona tino.”
Sa tā’ua foi o se tasi tinā, e manu’a lona ulu, ae o le isi, e leai se man’ua i le tino.
“Ae sa aumai lava mo siakiga, ma o loo faatalitali nei i le taimi e toe te’a atu ai i tua i lona aiga.”
“E na’o le toa tolu lava mai le pasese lea na momoli mai ae o isi sa faalogo na faaoo atu i tua i o latou aiga e togafiti ai.”
O se tasi tinā sa ia molimauina lenei faalavelave, le susuga ia Malae Pefu, na ia faailoa mai o le pasi na lavea i lona fo’i mai i le uafu i Salelologa ina ua taunuu le vaa o le 8 i le taeao.
“O le faalavelave foi e lē o iai se isi o maliu, na’o nai tagata sa omai i le pasi o loo manunu’a, ae o loo manuia fo’i si ave pasi.”
Sa tā’ua e Malae Pefu, o le pasi a le Lady Samoa a se tasi aiga i Tufutafoe.
“O si aiga lava lea sa tautuaina le itumalō a Asau aga’i atu i Falelima i le tele o tausaga..”
“E fā pasi a si aiga ma pasi e 2 a Komasi o le tamaloa mai Salelologa, ae o loo feoai mai le itu Asau, agai atu i Salelologa. Tusa lā e ono a pasi.”
Na taumafai atu se fesootaiga i le Ofisa o le FESA ae sa faailoa mai, e lei oo ane se lipoti lata mai e tusa ai ma le faalavelave na tulai mai.
- Today in History: 23 July 2021 Court of Appeal Ends Samoa’s Political Standoff and Declares FAST Party as the New Government - July 23, 2023
- Toe Foi Sui Faipule e Toatolu e Fai Faigapalota Laiti - July 19, 2023
- Saints Super 4 Netball Championship 2023 Launched with Sulu Fitzpatrick named Ambassador - July 17, 2023
