Tuuina atu le miliona lona lua ina ua faamalieina iloiloga i le faaaogaina o le moliona muamua

Sa faaleo le finagalo o le Malo e faamalosiau ma fautua i Fono Faavae ma Itumalo uma ina ia tutu faatasi e lagolagosua le faatinoga o nei poloketi taua..

0
132
Ata Pu'eina - Malo o Samoa (Leaosa Faaifo Faaifo). 

Pepa o Faamatalaga Aso Lua, 14 Me, 2024 Ofisa Minisita MWCSD.

O le taeao nei Aso 14 o Me 2024, sa faatautaia ai i le Ofisa o le Minisita le sauniga o le sainigalima a le Malo o Samoa ma Fonofaavae a Itumalo e lua mai Savaii;

1. Fono Faavae Itumalo o Gagaemauga 1
2. Fono Faavae Itumalo o Faasaleleaga 3

I le maea ai o iloiloga o ripoti a suetusi i le faaogaina o le miliona muamua ($1,000,000), ua pasia aloaia ai e le Komiti Faafoe (Steering Committee) i lana fonotaga i le Aso 03 Me 2024, le faasaini’ina o maliliega mo le miliona lonalua ma le faamatuuina atu o le $160,000 (16%) mo le faagaioioina o Ofisa o Fono Faavae a Itumalo.💛💛

Ata Pu’eina – Malo o Samoa (Leaosa Faaifo Faaifo).

O afioga i Faipule poo Taitaifono fo’i o Fono Faavae, faapea Sui Taitaifono ma Failautusi, na fai ma sui o Fono Faavae a Itumalo uma e lua mo le faatautaia o le sainigalima.

Na saunoa le afioga ia Mulipola Anarosa Ale Molioo e fai ma fofoga o le Malo faapea foi le afioga i le Minisita o Tupe, e faafetaia le onosai ma le lava papale o Fono Faavae a’o faagasolo faatinoga o galuega moomia.

Sa faaleo le finagalo o le Malo e faamalosiau ma fautua i Fono Faavae ma Itumalo uma ina ia tutu faatasi e lagolagosua le faatinoga o nei poloketi taua.

O le poloketi miliona mo le atiinaeina o itumalo (community development) e faamatuu atu ai le $1 miliona tala i totonu o tausaga faaletupe ta’itasi.