Molia e Leoleo se Alii Talavou 21 Tausaga i le Fasioti Tagata Faamoemoeina

"O se alii mai Samalaeulu lea ua taofia ma molia i le fasioti tagata faamoemoeina."

0
1393

O loo taofia e leoleo se alii talavou e na o le 21 ona tausaga o loo masalomia na ia faaoo le oti i se isi foi talavou, 22 tausaga, i se faalavelave na tulai mai i Samaleulu, Savaii.

Na faamaonia mai e le Sui Komesina o le Matagaluega o Leoleo, le Afioga ia Papalii Monalisa Tiai Keti, e luasefulu ma le tasi (21) tausaga o se alii o loo taofia nei e leoleo i Tuasivi.

“O se alii mai Samalaeulu lea ua taofia ma molia i le fasioti tagata faamoemoeina.”

File Photo: Deputy Police Commissioner Papalii Monalisa Tiai-Keti at a press conference with local media, 2023.

“E mafua mai i se faaoogalima – lea ua maliu ai se isi foi alii e luasefulu ma le lua (22) tausaga.”

O lenei faalavelave na tulai mai i le po o le Aso Faraile, i le faaiuga o le vaiaso talu ai, i le afioaga o Samaleulu i Savaii.

O lē ua maliu, o se mau paolo mai le afioaga o Tuasivi ma Fogapoa.

O le uluai fasioti tagata lea e mafua mai i se faaoogalima ua faamauina i le masina amata o lenei tausaga, e pei ona saunoa iai Papalii.

O le Aso 6 o Fepuari o le a tulai ai lē o loo molia e tali atu i ona moliaga o le fasioti tagata faamoemoeina i luma o le Faamasinoga Maualauga.

Visit our Rimani Samoa store at Savalalo and Follow us on Facebook! today.