Molia i le Fasioti Tagata Faamoemoeina Papalii Sia Figiel, o se Tusitala o Tala Fatu ma Solo

O moliaga faasaga ia Papalii e aofia ai ma le uumia o aupega matautia, ona o se samala ma se tama'i naifi o loo masalomia sa ia fa'aogaina, i uluai suesuega a leoleo.

0
4569

Ua taofia ma molia i le fasioti tagata faamoemoeina Papalii Sia Figiel, o se tamaitai sa manumalo i ni faailoga taualoa o le fatu solo ma tusigatala.

O le ua maliu o se tina 78 tausaga le matua, ae o ia foi o se tasi na lauiloa i mataupu tau aoaoga mai Amerika Samoa. O Dr Caroline Sinavaiana Gabbard, o se fatu solo, ma o se tagatanuu o Amerika Samoa, sa faauuina mai Iunivesete i Hawaii ma ia o le uluai polofesa Samoa i  Amerika. Ina ua malolo litaea o ia, lea na taliu mai ai i Samoa ma aumau ai.

Papalii is charged with the horrific murder of Dr Caroline Sinavaiana-Gabbard.

E pei ona faamaoniaina mai e le Komesina o Leoleo, Auapaau Logoitino Filipo, o le faalavelave na tulai mai i le Aso Toanai i Vaivase Uta, i le maota ua faaigoaina o le Galumoana Theater a le ua molia nei.

I suesuega a leoleo, o se mea ma’ai ma malo sa faaaogaina e tatui ai le tino o le ua maliu (mulitple stab wounds).

I le lipotia mai o lenei faalavelave matautia, e faapea na tuua e Papalii lona fale i Vaivase Uta ina ua maea le faalavelave i le Aso Toanai lava lea, ae agai atu i Lotofaga i se fale a se tasi o ana uo.

I le taeao o le Aso Sa sa faatoa faamatala ai e Papalii i lana uo le mea ua tupu. Sa la agai atu loa i le Ofisa o Leoleo i Apia.

Ina ua asia e leoleo le nofoaga i Vaivase Uta i lea lava taimi, sa latou maua atu ai loa le tino maliu o Dr Caroline.

O moliaga faasaga ia Papalii e aofia ai ma le uumia o aupega matautia, ona o se samala ma se tama’i naifi o loo masalomia sa ia fa’aogaina, i uluai suesuega a leoleo.

O Papalii Sia Figiel, o se tasi ua lauiloa foi lana tautua, sa manumalo i se faailoga i le 1994, o le tauvaga ua faaigoaina o le Polynesian Literacy Competition, i lana solo o le, “Where we once belonged”.

I le 1997 na manumalo ai foi se faailoga taualoa le South East Asia / South Pacific Region Competition Writer. O ana tusi ua faaliliuina i gagana Farani, Siamani, ma isi gagana e tele o le lalolagi.

O loo taofia pea Papalii i lalo o le vaavaaiga a leoleo, e talia ai le valaauina o lana mataupu i le Faamasinoga.

Check these out at SOS Togafuafua and Salelologa.