Manumalo Siumu i le Taitoafitu Faavaomalo a le Malisi Pago

0
1092
Siumu wins 5th Marist Pago International 7s. Image: Marist Pago Media Team.

Ua manumalo le au taitoafitu a Siumu i le Taamilosaga Faavaomalo a le Malisi i Amerika Samoa – Marist Pago Flag Day International 7s.

O le Kapeteni a Siumu, Siaosi Asofolau, sa ia mauaina le Tama Taalo o le Taamilosaga – Player of the Tournament.

Siaosi Asofolau was selected Player of the Tournament by Tournament Special Guest, Lolo Lui. Images: Marist Pago Media Team.

E USD$13,000 le manumalo (ST$35,000) ae USD$5,000 le tu lua, ma le tu tolu e USD$3,000.

O le Faiaoga Ulu a Siumu, o Tautofi Kolena sa lagolagoina e Lei’a Saofaiga. O Tuuu Mautofiga le taitaimalaga, ma TA e toalua, ia Upumoni Etuale ma Tipi Fili.

E 12-5 na manumalo ai Siumu ia Malisi Sagato Iosefo – Marist St Joseph’s Sports Club mai Samoa – i se suega siamupini mataina ma le finau.

Silver medalists, Marist St Joseph’s Sports Club. Photo Credit: Marist Pago International 7s Media Team.

E le’i faigofie le aga’i atu o Siumu mo le sueina o le siamupini. E 12-5 le manumalo a Siumu i le Taumeasina Island Resort Moataa Whites, ae 7-5 na manumalo ai i le au malosi mai Aleipata, le Tepatasi.

O le Marist Sports Club sa latou manumalo i le quarterfinal i le Apia Maroon i le 19-14. E maea le taimi o loo tutusa Malisi ma Apia Maroon 14-14. O le semi final a Malisi sa latou manumalo ai i le BSP Laumua o Tumua Afega 24-14.

O le sueina o le tu tolu (bronze medal) sa manumalo ai le BSP Laumua o Tumua Afega i le Tepatasi mai Aleipata, i le 17-10.

BSP Laumua o Tumua Afega win bronze. Photo Credit: Marist Pago International 7s Media Team..

O le tu 5 sa manumalo ai le Tamauli mai Salelologa i le Malisi Hawaii.

E 12 au lakapi taitoafitu sa malaga mai Upolu e tauva i le taitoafitu faavaomalo a Malisi Pago, lea sa lagolagoina malosi e le Coca Cola.

O ‘au uma e 7 mai Upolu ma le Malisi Hawaii sa ausiaina le Top 8 ma finauina quarter finals o le taamilosaga. E le’i iai se au faaletonu i le lava tapena o au taitoafitu na masii i Tutuila.

Sa malaga uma au lakapi mai Upolu ma Savaii i le Lady Samoa na tuua Matautu i le po o le Aso Tofi 25 Aperila (Samoa). E tasi le vaiaso e nonofo ai i Tutuila, e tālia faigamalaga a le Lady Samoa mai Tutuila i le Aso Tofi 02 Me (Amerika Samoa).