Fesiligia e le Faamasinoga Maualuga le Toe Tula’i o se Loia o loo Nofo ma Faamautu ai Talalelei Pauga

0
846

Ua fesiligia e le Faamasino o le Faamasinoga Maualuga, poo talafeagai le toe tula’i o se tamaitai loia mo Talalelei Pauga; ae o loo nofo ma faamautu Pauga i le aiga o lea loia.

I le toe valaauina o le mataupu o loo tuuaia ai Talalelei Pauga i lona taupulepule e faaoo le maliu i lē sa fai ma Palemia o Samoa, na fesiligia ai e le afioga iā Niava Mata Tuatagaloa, pe talafegai ae poo tusa foi ma le tulafono, le toe tula’i o Josephine Sapolu mo Talalelei Pauga.

O loo fai nei se paū e kilia ai oloa uma nei mai le SOS Togafuafua ma Salelologa.

I le uluai taimi na taunuu ma aumai faapagota ai Talalele Pauga i Samoa, sa tula’i ai le alii loia iā Tufuga Fagaloa Tufuga mo Pauga.

Ina ua finauina le talosaga mo se avanoa e tatala ai i tua Pauga e tălia ai taualumaga o lana mataupu – o le tasi lea o aiaiga sa tuuina atu i luma o le Faamasinoga. O le a nofo ma faamautu Pauga i le aiga o Josephine Sapolu.

O le masina o Fepuari 2024 sa tofia ai Tufuga Fagaloa e avea ma faauluuluga poo le Pule Sili mo le Komisi Toefuataina o Tulafono (Samoa Law Reform Commission). Lea la sa tula’i ai Josphine Sapolu mo Talalelei Pauga ina ua valaauina le mataupu.

O le aso 11 Aperila ua faatulaga e iloiloina ai folasaga a loia o itu e lua, poo tusa ma ala o le tulafono le toe tula’i o Sapolu na te tauaveina le mataupu a Pauga i luma o le Faamasinoga.

I le mataupu lava lenei, o loo taoto foi se talosaga a Talalelei Pauga i luma o le Faamasinoga, e na te teena ai le afioga ia Niava Mata Tuatagaloa mai lona tagofia o lana mataupu.

O lenei mataupu ua loa tausaga o faaauau pea.

Ina ua toe tolopoina foi lenei mataupu ia Fepuari o le tausaga nei, na saunoa ai le Faamasino ia Niavā i lena taimi, e ono faaleaogaina aiaiga o le tatala ai i tua o Pauga (on bail) – ona o le tele o talosaga toe tolopo o loo tuuina atu e loia a Pauga, pe a oo i aso e fofogaina ai le mataupu.

Please note change of time from 11am to 12:30pm

Saunoa le Faamasino, “E le toe talia e le Faamasinoga se isi mafuaaga o le a faatuai ai ona tagofia e le Faamasinoga le mataupu, e mafua mai le loia ma le itu o loo molia.. poo le faaleaogaina loa o aiaiga o le tatala ai i tua.”

Peitai, e toe valaau atu le mataupu, ae tuuina mai ai loa le talosaga a Talalelei Pauga e tauala atu i lana loia ia Josephine Sapolu, e aveese Niava mai le iloiloga o lana mataupu.

Aotelega o lenei mataupu 

O Talalelei Pauga na aumai faapagota (extradited) mai Ausetalia e mafua mai i tuuaiga o ia sa faatupeina atoa le fuafuaga e tagatavaleina Tuilaepa, faapea ma lē sa avea ma Komesina o Leoleo, Sua Fuiavailiili Egon Keil.

Hotel Elisa. Call +685.21116 or Visit www.hotelelisa.ws or Email: hotelelisa@samoa.ws

O le tausaga 2019 sa mua’i lagaina ai lenei mataupu ina ua lipotia e Alii ma Faipule o Laulii i le Matagaluega o Leoleo, le alii o Taualai Leiloa o se faiava i le nuu.

O Tesema 2020 sa tuuina mai ai se faasalaga falepuipui mo le 5 tausaga mo Taualai, ina ua faamaonia o ia sa faatonu e le au taupulepule, e faaoo le oti ia Tuilaepa.

O Aukuso 2023 sa tuuina mai ai faasalaga falepuipui ta’i 4 tausaga mo Lema’i Sione ma Malele Paulo (King Faipopo) ina ua faamaonia a la moliaga o le taupulepule faatasi ma Taualai.

Totoe ai loa na o Talalelei Pauga, lea e tuuaia sa ia lafoina mai tupe mai Ausetalia, ma tuuina mai faatonuga uma o le taupulega. Peitai o Setema 2023 na faatoa mafai ai ona aumai faapagota Tala Pauga mai Ausetalia e tulai i luma o le Faamasinoga, lea e iai le mataupu o loo toe tolopoina nei.

Take the NBS Customer Satisfaction Survey