O le a Faatino loa e le OEC le Toe Lesitala o le Atunuu Atoa i le Faavaa Fou (New System)

Ua fa’ailoa mai e le Komesina o le Ofisa o le Komisi o Faigā Palota iā Tuiafelolo Alexander John Stanley, o lo’o matuā telē le 18 masina ua tu’uina atu..

0
1144

Tusia: Pesetā Tusiga Taofiga, Sooupu a le Malo o Samoa. Ua gaioi le Ofisa o le Komisi o Faigā Palota (OEC) e tapena le galuega lesitala mo le atunu’u atoa e fa’aāoga ai le fa’ava’a fou (new system) mo le lesitalaina o tagatānu’u Samoa mo le Palota Tele 2026.

SOS – back in store at Togafuafua and Salelologa branches.

I le mae’a pāsia ai o Teuteuga o le Tulafono o Faigā Palota 2024, e lua vaega tāua sa teuteuina mai le Tulafono o Faigā Palota 2019..

Faaaoga Online Portal mo le Faatinoga o Lesitala

O le teuteuga muamua, o le Vaega #13, e fa’atāua ai le galuega lesitala e fa’aāoga ai ‘upega tafa’ilagi (online portal), ma avanoa ai lea auaunaga mo so’o se tagatānu’u Samoa e le gata o Samoa nei, ae faapea fo’i itu e fia o le lalolagi, o lo’o fia lesitala i le lola Palota a Samoa.

I le Tulafono o Faigā Palota 2019, sa mafai ai fo’i ona o lesitala i luga o ‘upega tafa’ilagi (online registration) peitei, sa na’o tagatānu’u Samoa o lo’o galulue i galuega fa’avaitaimi, ma ē galulue i Ofisa o le Mālō i fafo, ma Fa’alapotopotoga Fa’avāomālō fa’apea ma fanau sikolasipi sa faatagaina.

Hotel Elisa. Call +685.21116 or Visit www.hotelelisa.ws or Email: hotelelisa@samoa.ws

Toe Lesitala Atoa le Lola Palota mo Itumalo e 51

I le teuteuga lona lua, o le Vaega #23 o le Tulafono o Faigā Palota 2024, ua mafai ai i le Komesina ma le Ofisa o le Komisi o Faigā Palota, ona fa’atino lo latou tiute mo le toe lesitalaina atoa o lola palota mo Itumālō e 51 i le atunu’u.

I le tapunia ai o le lola palota a Samoa ia Ianuari 2021, e 128,848 le aofai o tagatuu Samoa sa lesitalaina mai Itumalo Palota e 51.

7 Days of Positivity and Lower Prices at all SSAB Stores.

Ua mafai fo’i i lalo o teuteuga fou ona silasila le OEC pe ta’i 10 i le 15 tausaga ma toe iloilo lola palota, pe a tusa ai ma le va’aiga lautele, i ni fa’afitauli ma ni lu’itau e ono alia’e mai lea taimi i lea taimi.

I le sau ai o le Tulafono o Faigapalota o Samoa, e agava’a mo le lesitala so’o se sitiseni Samoa ua atoa le 21 tausaga le matua.

Na fa’amanino e le afioga i le Minisitā o le Ofisa o le Komisi o Faigā Palota iā Faualo Lefau Harry Schuster nisi o itu tāua e faamaea lelei ai ona lesitala sitiseni Samoa po palota.

Lefau Harry Schuster and Samoa Electoral Commissioner

Mo nai o tatou tagatānu’u o lo’o aumau i atunu’u i fafo, e fa’aāoga ane le ‘upega tafa’ilagi a le OEC mo le lesitala, ae fa’atoā atoatoa ma mafai ona tu’u lou suafa i se lola palota, pe a e afio mai i Samoa, e fa’amae’a ai lau lesitala, e ala i le lolomiina (scan) o ou tama’ilima e 10 ma pu’e ai lou ata auā fa’amaumauga a le Ofisa (biometrics).

Na ia fa’ailoa fo’i, mo tagatānu’u Samoa e lua sitiseni (Sitiseni Samoa toe Sitiseni Niu Sila / Ausetalia / Amerika etc…)

“E iā te oe lava le aiā tatau e te lesitala ai pe afai e te fia palota mo Samoa. Ae afai e leai, e te fia palota lava oe i le atunu’u o lo’o e aumau ai, ma e sa’ili manuia ai, e lē āfaina lenā tulaga…”

Book Now for your stay at Tivoli Aparthotel.

Tamafanau a Samoa ua iai le Tomai Fa’apitoa 

Mo le silafia, o tamafanau a le atunu’u ua i ai lo latou tomai fa’apitoa i auaunaga tau tekonolosi fa’aneionapo (Computer Programmer) o lo’o galulue nei i le OEC – o i lā’ua ia sa fa’ama’ite i lea Fa’ava’a Fou (Software – New System) ae fesoasoani mai ai le Kamupanī mai Niu Sila auā le auaunaga ua ta’ua o le Biometrics po’o le lolomiina o tama’ilima e 10 ma le pu’eina o le ata o tagata lesitala.

O fa’afitauli o le Fa’ava’a Tuai, ona e lē mafai ona lolomiina ai tama’ilima e 10, ma tapue ata mo le faamaoniaina o tagata palota taitoatasi.

Tuuina atu Faamaumauga uma mai le Fa’ava’a Tuai i le Faavaa Fou

O le a galulue le Ofisa o le Komisi o Faigā Palota, e tu’u uma fa’amaumauga mai le Fa’ava’a Tuai i le Fa’ava’a Fou ma amata fa’agasolo loa le galuega o le toe lesitalaina o tagata palota uma.

O fa’afitauli ma lu’itau o le tele o tagata ua leva ona lesitala, e lē atoatoa a latou pepa fa’amaonia, e i ai pepa fanau, kopi o tusi folau ma fa’amatalaga patino i le tagata lava ia. O ia vaega uma, o le a silasila toto’a iai le Ofisa i la latou galuega o le a fa’agasolo nei.

Komesina o Faigapalota: O loo lava le taimi

Ua fa’ailoa mai e le Komesina o le Ofisa o le Komisi o Faigā Palota iā Tuiafelolo Alexander John Stanley, o lo’o matuā telē le 18 masina ua tu’uina atu, fa’atusatusa i le isi lesitala tele na faia i Faigā Palota ua alu (Mass Registration) e na’o le 3 lava masina na fa’agaioi ai.

Komesina o Faigapalota, Tuiafelolo Alexander John Stanley.

Fa’ailoa e Tuiafelolo, e tolu vaiaso o le a fai ai a’oa’oga fa’apitoa mo le aufaigaluega e toa 56 a le Ofisa o le OEC faapea ma le toa 60 lea o le a fesoasoani lē tumau (part-time) ina ia tino lenei taumafaiga tele.

Samoa is the Home of Taula.

Iuni 2025 e Mautu ai Lola Muamua mo Itumalo Palota

O le a vaevaeina e ta’iiva le aufaigaluega i vaega e fā ma le fa’amoemoe e tatau ona mae’a le Vaega #1 iā Mati 2025 a’o Iuni 2025 e mautū ai lola muamua mo Itumālō ta’itasi.

Ona toe fa’agasolo lea o le Vaega #2 e galulue fa’atasi ai ma Sui o Nu’u, Sui Tama’ita’i o Nu’u ma Sui o le Mālō, e siaki uma lola palota, sa’ili fa’amaoniga o tagata lesitala ta’itasi, ma fa’amautū pe fa’amaoni ma moni o tagata sa’o ia o Itumālō, ma amata fa’amamā ai lola palota uma.

Take the NBS Customer Satisfaction Survey

Faatāua le Faatinoga o Galuega a le Ofisa o Faigapalota 

E ui i le tele o taofi ma lagona ‘ese’ese o Faipule o le Palemene na fa’ailo auā fautuaga, popolega ma tima’iga e tusa o le Tulafono Teuteu, ae na autasi lava, ina ia pāsia mo le taimi nei, e fesoasoani ai i le saga fa’amautūina pea o le fa’amaoni ma le lelei atoatoa o le fa’atinoga o galuega a le Komesina ma lona Ofisa, auā le filifilia o Ta’ita’i o Samoa mo le lumana’i.

Ua amata galulue fo’i le Ofisa o le Komesina o Faigā Palota, e fa’ata’oto aiaiga ma Tulafono Fa’atonutonu (Regulations) e fa’atonu folau ai galuega a le OEC mo le lesitalaina o tagatānu’u auā le Palota Tele 2026.

Faasilasilaga Tāua


Tusiga Taofiga