Teena e le Faamasinoga Talosaga a Samuelu ma Isi e Tolopo seia Avanoa Loia mai Fafo

"O loia o loo tula'i nei mo Ienei mataupu, o nisi lava ua leva ona tautua i le galuega faaloia, o ni lau'ia foi o le Asosi o Loia a Samoa."

0
2208

Aso Tofi 30 Me 2024, Apia Samoa. Ua teena e le Faamasinoga le talosaga a loia o loo tula’i mo Samuelu Sua ma isi, ina ia tolopo atu i le tausaga fou le suesueina o le mataupu o loo tuuaia ai i latou.

O le aoauli o le Aso Tofi 30 Me sa tuuina mai ai le faaiuga e le Faamasino Sinia o le Faamasinoga Faaitumalo le afioga iā Talasa Atoa-Saaga.

Saunoa le afioga i le Faamasino, e telē se aafiaga o le tolopoina o lenei mataupu mo le umi e 11 masina e pei ona talosagaina e  loia mo ē o loo tuuaia.

Check these out at SOS Togafuafua and Salelologa.

O nisi o aafiaga sa fofolaina i lum o le Faamasinoga Faaitumalo e aofia ai:
* Aafiaga o le tagata o loo nofo taofia pea
* Taligā o le mamalu o le atunuu o loo tapuai ma faatalitali i se tali o lenei mataupu
* E lē faigofie le sao a nisi o le atunuu ua togi maa mo le faatupeina o totogi a lōia
* Aafiaga mo nisi o molimau ua faia iai faaiuga a nuu ma afioaga
* O le umi ona faatali, e ono faaletonu ma galo ai tapenaga a molimau
* Aafiaga o i latou o loo tuuaia ona o loo faauau pea ona lalafo iai upu faifai
* Ae maise o le aafia o le faatinoga o tiute o i latou o loo tuuaia e pei o le afioga i le Alii Faipule o Salega, faapea le afioga ia Li’o lea sa avea ma leoleo.

O itu uma nei ua manatu ai le Faamasinoga e lē talafegai pe afai ae tolo umi le suesueina o lenei mataupu mo le tausaga fou. Ona o le masina o Mati poo Aperila 2025 lea sa talosagaina e fua i taimi e avanoa ai loia mai fafo.

Saunoa foi Judge Atoa-Saaga i lana faaiuga, “O loia o loo tula’i nei mo Ienei mataupu, o nisi lava ua leva ona tautua i le galuega faaloia, o ni lau’ia foi o le Asosi o Loia a Samoa.”

“O Sapolu foi o loo manino lava ua leva foi ona tautua i totonu o Niu Sila.. ma o i latou uma lava ua lava lo latou tomai mo le faatinoga o a latou tiute, ma o loo manino lava folasaga o loia mai atunuu mamao e fesoasoani i loia o loo i Samoa nei..”

“Ona o ia itu ua manatu ai le Faamasinoga o le a lē tuu avanoa le Faamasinoga seia avanoa mai loia mai fafo, ae o le ā faataunuuina lava le suesuega a le faamasinoga i lenei tausaga.”

                 Official Broadcaster for Paris Olympics

O le afioga ia Unasa Iuni Sapolu o loo tulai mo Samuelu ma Sivai, o Muriel Lui o loo tulai mo le sa avea ma Minisita Lagolago iā Fepuleai Su’a ma Lisemarie Schmidt, ae o Tanya Toailoa o loo tulai mo Li’o Faataumalama Auava.

Talu ai ona e 80 molimau a le itu a leoleo, lea ua faatulaga mai ai e le Faamasinoga vaiaso e lima mo lenei mataupu.

E amata atu i le Aso 26 Aukuso le suesueina o mau, seia aulia le Aso 27 o Setema o le tausaga nei.

E 104 moliaga mo Samuelu Su’a ae 59 moliaga mo Sivai Kepi. Mo le Faipule ia Fepuleai Faimata Sua, e 18 moliaga, ae o le sa fai ma Malu o le Malo iā Lio Faataumalama Auava e 9 moliaga ma le tamaitai ia Lise Marie Schmidt e 4 moliaga.

O moliaga e aofia le tuuina atu o molimau sese i leoleo, o le taumafai e ufiufi le mea moni, ma le taumafai e fafau molimau ma faamatalaga sese atoa ma le faia o  faamatalaga e ta’uleagaina ai le isi tagata.