$50,000 Tala le foai a ACOPA Ueligitone mo le Poloketi Fale Samoa a Avele

"O le tatalo a Tunumafono, mo asosi uma ma nisi o tausaga faavae o Avele, ia avea le foai a Ueligitone e fai ma lui i le itu tau foai.."

0
93

E $50,000 tala Samoa se foai a le asosi o tama ma teine tuai a le Kolisi o Avele (ACOPA) i Ueligitone sa tauaaoina e fesoasoani ai mo le poloketi Fale Samoa (Multipurpose) o loo faagasolo nei.

O le Peresitene o le mafutaga a tama ma teine tuai sa a’otauina i Avele na ia saunoa i le tuuina atu o le latou meaalofa.

O le afioga ia Tunumafono Keneth Ah Kuoi sa fai ma sui o le asosi e momoliina le foai, ae o le susuga i le faafeagaiga ia Ugapo Ulale o le EFKS Sa’aga Siumu, sa ia taliaina le foai.

Check out February Specials at SSAB stores.

O le agaaga o le faafetai na saunoa iai le susuga i le faafegaiga mo lenei foa’i tāua, ae maise o le faamalosia’u mai i sui o le asosi i Samoa nei, faapea le afioga i le Minisita o Galuega ia Olo Fiti Vaai o loo taulamua i le faamaopoopoina o le poloketi.

O le amataga o le tausaga nei na tauaao ai foi e le mafutaga ACOPA i Kuiniselani Ausetalia se foai tupe e $20,000 tala, faapea foi nisi o foai tau tupe na tuuina atu e nisi o mafutaga eseese mai atunuu mamao.

Click here to visit our website and download the app

O le masina o Iuni o le tausaga nei o le a faailogaina ai le 100 tausaga talu ona faavae mai le Kolisi o Avele i Samoa nei.

E toatele nisi o tamalii o loo galulue ma avea nei ma faauluuluga o itu eseese o le atunuu, e le gata i le Malo ae o Pisinisi Tumaoti ma Fa’alapotopotoga, sa faafailele mai lo latou soifua aoaoina i le Kolisi Maualuga o Avele.

O Avele o se tasi o aoga pito matua i totonu o le atunuu lea na faavae mai i le tausaga 1924 seia oo mai lava i le tausaga nei.

O le tatalo a Tunumafono, mo asosi uma ma nisi o tausaga faavae o Avele, ia avea le foai a Ueligitone e fai ma lui i le itu tau foai, ina ia togimaa uma i le faamoemoe.

Check these out and more at SOS Togafuafua and Salelologa.