Satupaitea: $471,365 le tau o le galuega mo le apitaga mo foma’i ma le faleleia o le falemai faaitumalo

July 27, 2025

916

E $471,365.06 le tau aofa’i sa faatupeina ai se faaopoopoga o le falema’i fa’aitumalo i Satupaitea e pei ona tatala aloa’ia i le vaiaso ua te’a nei.

O lena tau, e tutusa lelei ma le tau sa fa’atinoina ai le galuega o le falema’i fa’aitumalo i Sataua.

O le fausiaina o le fa’aopoopoga o le falema’i, fa’atasi ai ma le apitaga mo foma’i, sa faatupeina e le Malo o Samoa.

O le Sui Faipule mo Satupaitea; le afioga ia Lautafi Gafauatasi Fio Selafi Purcell sa ia otiina le lipine e tatala aloaia ai le galuega.

Tatala aloa’ia o le faaopoopoga o le falema’i fa’aitumalo i Satupaitea. 📸 Gvt of Samoa press.

O le kamupani faufale o le Zheng Construction Ltd, sa fa’amanuiaina e latou te fausia le galuega.

O lenei galuega sa amataina i le aso 11 o Fepuari 2025, ma mae’a aloa’ia i le 13 o Iuni 2025 – e tusa lea ma le 4 masina ma le 3 vaiaso.

O se fa’ata’ita’iga lelei lea o le galulue soofaatasi o le Malo e tauala atu i le Matagaluega o le Soifua Maloloina ma le Matagaluega o Galuega Tetele, le kamupani faufale, faapea sui o le afio’aga

E pei ona saunoa le afioga i le Palemia tausi Hon Fiame Naomi Mata’afa i lana saunoaga autu, “o se tasi o miti na fau ao fau po a lo tatou malo, faapea le Matagaluega o le Soifua Maloloina, ma le fa’anaunauta’iga, ia maua avanoa tutusa e tagata uma, e latou te fa’aaogaina ai so’o se auaunaga tau le soifua maloloina o lo o mo’omia.”

**Afio mai loa i le Island Rock mo faatauga o le Aso Sa o Tamā.**

“Afai foi o lo o sapi ai le atunu’u o lo o nonofo ma aumau i Upolu, ia fa’apena foi i Savaii nei ma lo tatou itumalo..”

“O se molimau manino lea o le va’ava’ai mamao o le tatou malo, i Atina’e ma Auaunaga Fa’atino mo le Soifua Mālōlōina, i itu uma o Samoa, e aofia ai ma Savai’i.”

Sa ave le tuualalo i le aufaigaluega a le Matagaluega o Soifua Maloloina o le a fa’aaogaina nei aseta anagatā.

“Ia fa’aaoga ma le tatau ma ia tausi lelei nei nofoaga fou ua fausia, e lagolagoina ai le faatinoga o auaunaga ma galuega fa’atino mo le tautuaina o le soifua maloloina o le mamalu o le atunu’u, o lo o alala ma pāpā aao i lenei itu o le atunu’u..”

Vacancy in Savaii