40 Tausaga talu ona faatuina le Ekalesia Aso Fitu i Magiagi, lea ua talia aloaia e le Faiganuu a le Afioaga

O se lagona o le fiafia ma le faafetai na saunoa iai le toeaina Taitai o le Ekalesia le Susuga ia Tiauli Saunoama'alii ona ua tali le Atua i talosaga ma anapogi ai le Ekalesia.

0
814

Ua 40 tausaga talu ona faatuina le lotu Aso Fitu Toe Afio mai i Magiagi, peitai, o le Aso Toanai 6 Aperila sa faatoa aloaia ai le Ekalesia i totonu o le faiganauu a le afioaga.

O le tausaga 1984 na faatuina ai le Ekalesia Aso Fitu i totonu Ma’agiagi. Mai lava i lena taimi, e le’i mafai ona talia le Ekalesia i totonu o le afioaga ona o nisi o mataupu tau i le fanua sa faatuina ai le lotu.

Peitai, o le fono faale-masina a le afioaga ia Mati 2024, na toe tatalo ai le Taitai a le Ekalesia, le susuga ia Tiauli Saunoamaalii Ulugia Finafinau, ma matala ai le tofa i le afioaga o Magiagi, ma talia ai loa le Ekalesia.

O le Aso Lulu 3 Aperila na feiloai ai loa le Ekalesia ma le afioaga i le Maota o le Sui o le Nuu, ma tapena ai loa le Aso Toanai 6 Aperila 2024 mo le faamoemoe ua loa tausaga o tālia pea.

Na usu faaaloalo le paia o le afioaga i le maota o le Ekalesia. Sa momoli aloaia ai le Susuga i le Faafeagaiga o le Peresitene foi o le Ekalesia Aso Fitu i Samoa ma Tokelau, Pastor Sione Ausage ma le faletua ia Valelia.

O faatinoina o lena osigafeagaiga, ua aloaia ai loa le ofi atu o le Ekalesia Aso Fitu i totonu le afioaga e faamalumalu iai le pule mamalu a Alii ma Faipule o Magiagi.

O lea ua atoa ai le lima o ekalesia i totonu o le nuu.

O se lagona o le fiafia ma le faafetai na saunoa iai le toeaina Taitai o le Ekalesia le Susuga ia Tiauli Saunoama’alii ona ua tali le Atua i talosaga ma anapogi ai le Ekalesia.

E 20 a matafale a le Ekalesia i le taimi nei, ae silia ma le 150 sui o le Ekalesia poo tagata lotu.

Public Notices – AGM ITOS

BSP AGM
Please note change of time from 11am to 12:30pm