Tusia: Pesetā Tusiga Taofiga, Ofisa o le Sooupu a le Malo. O le ā fa’asilasila aloā’ia e le Matāgaluega o Tinā ma Tama’ita’i, Atina’e o Nu’u ma Agafeso’ota’i, ia suafa o tamāli’i ua filifilia ma Ta’ita’ifono Fou mo Itumālō Palota e 39 lea ua faamaonia.
Ua mae’a ona fa’agasolo fa’atalanoaga o avanoa Ta’ita’ifono mo Ofisa o Fono Fa’avae a Itumālō Palota e 51 i Samoa, lea ua tomua ai le 39 Itumālō Palota, ua mae’a fautuaina tofiga mo latou Ta’ita’ifono ma sa tu’uina atu i le Kapeneta ma ua mae’a pāsia aloā’ia.
Saunoa le Palemia, Susuga i le La’aulialemalietoa Leuatea Polāta’ivao Fosi Schmidt, e tatau ona o’o atu i le Aso 23 Tesema ua fili tagata faigaluega mo Fono Fa’avae fa’atasi ai ma Sui i Komiti Faufautua.
E 12 Itumālō Palota, o lo’o fa’agasolo pea iloiloga ma fa’atalanoaga a le Komiti Fa’apitoa o lo’o feagai ma lea galuega.
O le agaga mauāluga o le Mālō, e tatau ona tatala aloā’ia uma Ofisa o Fono Fa’avae i le Aso 12 Iānuari 2026, e toe a’e fa’atasi ai ma galuega uma a le Mālō.
O le mautū ai o tofiga mo ia avanoa faigaluega a le Mālō, o le ā toe amata aloā’ia ai fo’i le Polōketi Miliona mo le atina’eina o Itumālō ta’itasi i totonu o Samoa.
Ata Pu’eina: Litia Ta’ateo – Aviata.
Mn̈9
- 194,267 Tagatanuu o Samoa sa maua le ta’i $150 tala - June 28, 2026
- A Fealofani tatou o Ta’ita’i – e Toafilemu foi le Atunu’u - June 27, 2026
- Pāsia Aloaia le Tala Faatatau Autu o le Tupe 2026/2027 - June 27, 2026
