$3.36 Miliona Tala ua Faamatuu atu mo Itumalo e 21 mo le Vaega Muamua o le Tausaga Lona Lua o le Poloketi

0
270
Tufaina o le ta'i $160k tala mo Itumalo e 21 ua latou ausia aiaiga uma o le poloketi.

E $3,360,000 ua faamatuu atu nei mo Itumalo e 21 sa latou sainia le ta’i $160,000 tala, ma o le vaega muamua lea o le poloketi miliona faaletausaga lona lua lenei talu ona faamatuu mai seleni o le miliona.

Saunoa le afioga i le Minisita iā Mulipola Anarosa Molioo, o le faamoemoe sa iai e 25 itumalo e faamatuu atu iai le faamanuiaga, peitai, o nai vaega laiti lava ua le mafai ai ona ausia lea fuainumera.

O Itumalo nei e 21 ua amata nei ona faamatuu atu le Miliona lona lua o lenei poloketi:

1) Palauli 2

2)  Faasaleleaga 4

3) Gagaemauga 2

4) Vaimauga 3

5) Lotofaga

6) Falealupo

7) Palauli 1

8) Aana Alofi 1

9) Anoamaa 1

10) Faleata 2

11) Falealili 2

12) Safata 1

13) Anoamaa 2

14) Faleata 1

15) Aleipata Itupa Luga.

16) Vaimauga 1

17)  Palauli 3

18)  Faleata 4

19)  Siumu

20)  Vaimauga 4

21) Vaimauga 2

O le ma’ea ai o le sainia o pepa mai le ofisa o tupe, ua faailoa ai e le minisita, o le isi fitu aso o le a tuuina atu ai seleni e ta’i $160 afe tala i totonu tusi tupe a itumalo taitasi.

Ua faailoa foi e le Minisita o le vaiaso lava lenei na sainia ai le vaega mulimuli o le poloketi o le miliona muamua a itumalo o Aana Alofi 2, lea o loo tulai mai ai le afioga ia Aiono Tile, faapea Faasaeleeleaga 5 lea o loo tulai mai ai le afioga ia Peseta Tevaga Vaifou.

O le faamatuu atu o seleni ia itumalo e pei ona saunoa iai Mulipola Anarosa, ua mae’a ai loa itumalo uma e 51 o le poloketi o le miliona, i lona vaega muamua.

Faasilasilaga Taua