I le ta tonu o le 2:00 i le aoauli o le Aso To’ona’i, 27 Mati 2022, ua fa'amaonia e le Matāgaluega o le Soifua Mālōlōina le faaopoopo ai o le 182 oi latou fou mai le mamalu lautele o le atunu’u ua a’afia i le siama o le Koviti-19. Ma ua si’itia ai le numera oi latou ua a’afia i tua i le atunu’u lautele talu mai le Aso 17 Mati 2022 i le 1,239. Mai le 1,239 sa
a’afia, ua na’o le to’a 1,200 o lo’o a’afia pea i le taimi nei. Ua fa’amaonia mai I fa’amaumauga oi latou ua a’afia i le fa’amai, e tusa lea ma le 97 pasene o loo aumau i Upolu ma le 3 pasene mai i le motu o Savaii. O lo’o tumau pea le malu puipuia o Motu o Manono ma Apolima e aunoa ma se tasi ua a’afia.
Ua fa’amauina mai e le Matagaluega o le Soifua Maloloina, mo i latou ua a’afia talu ona pepesi i tua le fa’ama’i, tusa lea ma le 58% o tama’ita’i a’o le 42% o ali’i. Ua fa’amaonia mai foi le maualuga ai oi latou ua a’afia i le fa’amai o le KOVITI-19 mai i le 15 tausaga e aga’i atu ile 35 tausaga le matutua. Silasila i le kalafi (Figure1) ua tuuina atu i lalo mo
le fa’alauteleina. O le aofa’i o su’ega ua mae’a faia ma fa’amauina, e 16,380.
E 16 pepe fou i lalo ole 4 tausaga le matutua. E 9% le si’itaga mai le 39 i le 55 mo lenei vaega o tausaga. Ua fautuaina e le Matagaluega tina ina ia faaauau pea ona fafaga a latou pepe ma e oo mai i le taimi nei e lei oo mai lava ni lipoti ogaoga o fanau i lalo o le 4 tausaga.
E ui lava o le tele o i latou ua aafia e tumau i le va o le 15 i le 34 tausaga, ua maitauina o le pasene mo lena puipui ua pa’ū mai le 57% i lalo ifo o le 48% ae o le 35-50 tausaga o loʻo faʻatupuina i luga o le faʻaopoopoga i le pasene.
E tusa ai ma fua faatatau o tagata ua aafia, o faʻamaumauga a le Matagaluega o loʻo faʻamaonia 16,380 RATs na faʻatautaia talu mai le taimi muamua na maua ai. Ua fa’ailoa mai ai ua si’itia le positivity rate ile 7.5% mai le 6% na fa’amauina ananafi.
