Ua sainia se feagaiga a le Ofisa o le Komesina o Faigapalota ma le Asosi o Tusitala ma le Au Fa’asalalau (JAWS) e fa’amautuina ai le galulue fa’atasi mo le fa’asalalauina o taualumaga uma o le faigapalota tele.
O le tāua o lenei feagaiga o le a manino ai le fa’atinoga o taiala o galuega a tusitala ma le aufa’asalalau e tusa ma tulafono o faigapalota o loo limataitaia ai galuega a le Ofisa o Faigapalota.
O lenei feagaiga (Memorandum of Understanding) sa sainia e le Afioga i le Komesina o Faigapalota ma le Peresitene o le JAWS, le susuga ia Lagi Keresoma.
Sa faatumulia le potu fono i le fogafale i lalo o le TATTE i sui o le au tusitala a Samoa e molimauina lenei faamoemoe.
O le faigapalota tele o le faatino lea i le Aso 27 Aukuso mo Palota Faapitoa a tamā ma tinā matutua ua uma ona resitalaina, faapea tagatanuu ma ma manaoga tumau o le tino (persons with disabilities) faapea nisi o le a galulue i le aso o le faigapalota tele – 29 Aukuso 2025.
Special Public Notice
