E 18 tausaga o se teine talavou sa maua atu i autafa o se alavai i Fuluasou lata i Tuanaimato, i le taeao o le Aso Gafua 11 Aukuso 2025.
I se tali mai a le afioga i le Komesina o Leoleo le afioga ia Auapaau Logoitino Filipo, sa ia tā’ua ai o lenei talavou sa maua atu e nisi o le mamalu o le atunuu sa savavali i autafa ane o le alatele, ma latou vaaia ai o loo taatia mai lona tino.
E le’i iloa e ia se mea (unconscious) ae sa valaau loa e i latou nei le 911 le FESA (Fire and Emergency Services) mo se fesoasoani.
“Sa faatino e le mua’i fesoasoani (first responders) a le FESA se galuega lavea’i, ma faanatinati atu ai i le falemai tele i Motootua.
Saunoa le Komesina o Leoleo, o loo faagasolo pea suesuega i le mataupu, ae o loo masalomia sa taumafai lenei afafine e pule i lona ola, se’i tulou.
Sa iai lona tinā i le falemai, ma ia faapea atu i alii leoleo, sa iai ni faafitauli faalotoifale na feagai ma lo latou aiga. Sa ia tā’ua fo’i, o lana tama e maua i le mai sela (asthma).
Saunoa Auapaau, sa manuia togafitiga ma toe tea ai lava lē sa aafia i tua i le Aso Gafua lava.”
“Sa tuuina atu o ia i lona tina.” (She has been released to her mother.)
Peitai, e pei ona saunoa le Komesina, o loo faagasolo pea suesuega a leoleo i lenei mataupu, e aofia ai le tuuina atu o lenei afafine mo ni faatalanoaga faapitoa (counselling) ina ia malamalama atili nisi o faafitauli o loo feagai ma ia.
- 16 locals and 14 overseas-based applicants Pass the Malua Entrance Exam - October 13, 2026
- Fuafua le Malo e Toe Faatū Nofoa e Lua mo le Au Palota Tu Taulaga - October 11, 2026
- Tumau Tuia Pu’a Fuatogi Letoa i le Nofoa o Safata 2: Teena le Talosaga a Leleua - October 9, 2026
