O le mataupu na tupu i le tausaga e 2024 ma e toatolu teneiti na aafia ai.
O le toeaina ua falepuipui o le tama o matua o i latou na aafia.
O loo tapu ona faalauiloa le suafa ma le afioaga o le toeaina ona o le laiti o tausaga o i latou na aafia faapea ma le sootaga faaleaga o loo iai.
I le faaiuga a le afioga i le tamaitai faamasino o Leutele Mata Tuātagaloa na ia ave ai le faamamafa i le matuiā ma le telē o le aafiaga o le soligatulafono a le toeaina na fai i olaga o alualu toto na aafia.
Saunoa Leutele o le gaioiga a lea toeaina ua lepeti ai le faatuatuaga ma le saogalemu sa tuu i lea toeaina e na te puipui ma tausi faalelei fanau a lana fanau.
Taua e Leutele a faatulaga i le Faasamoa o l gaioiga a le toeaina sa fai e matua’i ogaoga lava ma e tasi lava le upu e faamatala ai gaioiga o le “mata’ifale”
Saunoa foi le afioga i le faamasino o gaioga sa fai ua aliali mai ai le matuā le amana’iaina o so’otaga fa’aleaiga ma le tiute tauave e puipuia ai fanau teine.
Na ia faaalia foi o ia gaioiga e le gata e solitulafono, ae o se faalataina o tu ma aganuu e mauaa i le faaaloalo, tausiga ma le puipuiga i totonu o le aiga.
I le faaiuga a le afioga i le faamasino e 20 tausaga le faasalaga faafalepuipu amata peitai e iai vaega sa silasila iai le faamasinoga e tatau ona toesea e aofia ma le vave ioe e lea toeaina o moliaga uma sa faia e faasaga ia te ia.
- Police Officer Under Investigation Following Alleged Assault During Measina Festival - September 11, 2026
- 13 Tausaga ua Loka ai i le Falepuipui se Toeaina 70 Tausaga le Matua i lona toe Faamalosia o Fanau Teine a Lana Fanau - September 11, 2026
- Today in History: September 11, 2001 – The Day the World Changed - September 11, 2026
