E 12 moliaga a leoleo o loo faasaga i le tagatanuu Saina lea sa ia fanaina se leoleo, ma ta’i le fana i le ulu o lē sa fai ma ona toalua, ma ia taofia faamalosi ai le tinā i totonu o se faleoloa i Siusega mo le tolu itula.

O Tao Liu, 46 tausaga le soifua, sa tulai i luma o le faamasinoga i le vaiaso nei.
O moliaga a le itu o leoleo e aofia ai moliaga e tolu o le taumafai e faaoo le oti (attempted murder), o le uumia o se aupega matautia (possession of a dangerous weapon), o le uumiaina o ni ututau e le faatagaina, faapea le moliaga o le faapāpā o se laau malosi.
E le’i mafai ona tuuina mai se tali a le alii Saina i moliaga faasaga ia te ia, peitai, ua faatulaga e le faamasinoga le Aso 24 o Fepuari e toe fofogaina ai lana mataupu ma tuuina mai ai sana tali i moliaga.
E le’i faauluina foi se talosaga a le loia na tula’i mo Tao Liu, e tatala ai o ia i tua (on bail) ao tālia le faasologa o le mataupu.
O lea ua tuuina atu ai e le Faamasinoga lenei vaiaso e tapena atu ai sana talosaga (bail application).
O le uluai valaauina lea o le mataupu lenei, ba teena ai le itu leoleo le tatalaina I tua o le tagata lenei, I faamaumauga le itu leoleo, e le fou le oo atu lea tagata Asia lea o Tao Liu I Luma le faamasinoga, o le tausaga talu ai na poloaina ai foi le tusi saisai mo Tao Liu, Ina ua le mafai ona tulai Luma le faamasinoga I nisi foi o mataupu tau aiga.
O le aso 24 Ianuari 2025 na tulai mai ai se faalavelave i Siusega lea na aafia ai se alii Malu o le Malo i se ututau mai se laau malosi o le ituaiga o le 22 pistol automatic.
O nei gaioiga uma sa faatinoina e le alii o Tao Liu, o se fai pisinisi Saina.
O loo taofia pea le alii o Tao Liu i Tanumalala i lalo o le vaavaaiga a leoleo e tālia ai le Aso 24 o le Fepuari 2025.

- Moomia e le Faamasinoga Mafuaaga Tatau e toe Faitau ai Palota mo Itumalo e 10 - September 10, 2025
- Vave ona talia ma faaulufale e Faumuina le ifoga a Alii ma Faipule o Safua - September 9, 2025
- Talosaga Faaolatane Fiu lea sa tū lua, ina ia Toe Faitauina Palota mo Palauli 2 - September 8, 2025













